पुणे : येथील एस हॉस्पिटलमधील एस ट्रान्सडीसीप्लिनरी रिसर्च सेंटरमध्ये ओपल फाउंडेशनमधील अंध व अपंग विद्यार्थांसाठी विशेष योगासन कार्यशाळेचे आयोजन करण्यात आले होते. अंध व अपंग मुलांसाठी आयोजित करण्यात आलेली ही पुण्यातील पहिलीच योग कार्यशाळा होती.
या कार्यशाळेत फाउंडेशनमधील २० विद्यार्थी सहभागी झाले होते. या विशेष मुलांना योगासने शिकवण्याचे आव्हानात्मक कार्य एस हॉस्पिटलमधील योगतज्ञ सागर पाटणकर, चंद्रशेखर मांडके, विष्णुप्रिया शेवडे यांनी पार पाडले.
‘एस हॉस्पिटलमध्ये नाविन्यपूर्ण असे उपक्रम सातत्याने राबवले जातात, ही गौरवास्पद बाब आहे,’ असे ओपल फाउंडेशनच्या अध्यक्षा श्रीमती नायर यांनी या प्रसंगी सांगितले.